Лениногорск районы башлыгы Рәгать Хөсәенов Лениногорск районы Иҗтимагый советы утырышында катнашты
Лениногорск муниципаль районының Иҗтимагый советы утырышы узды. Иҗтимагый совет эшендә Лениногорск районы башлыгы, шәһәр мэры Рәгать Хөсәенов һәм Иҗтимагый совет әгъзалары катнашты.
Көн тәртибенә берничә мәсьәлә куелган иде: Мөлеков Рафаил Нурислам улы һәм Советлар Союзы Герое Баһаутдинов Гильми Әбләз улы истәлеген мәңгеләштерү, Лениногорск районының иҗтимагый оешмалары эше, «Иҗтимагый советны бүләкләү турында Нигезләмә» Иҗтимагый советының Положениесен эшләү һәм Иҗтимагый совет составына үзгәрешләр кертү кебек сораулар каралды.
Рафаил Мөлеков һәм Баһаветдинов истәлеген мәңгеләштерү буенча Иҗтимагый совет әгъзалары бертавыштан чыгыш ясаучыларны хупладылар. Хәтерне мәңгеләштерү буенча мәгълүмат шәһәр төзелеше советына тапшырылачак.
Лениногорск ветераннар советы эшчәнлеге турында иҗтимагый оешма рәисе Анатолий Кондратьев сөйләде. Эшмәәкәрлек буенча Иҗтимагый совет эше турында мәгълүмат белән Лениногорск муниципаль районы Башкарма комитетының икътисад бүлеге начальнигы урынбасары Наталья Буракшаева чыгыш ясады. Инвалидлар җәмгыяте эшчәнлеге турында Олег Кабацкий чыгыш ясады.
Инвалидлар җәмгыятенең устав эшчәнлеген тормышка ашыру максатыннан инвалидлар җәмгыяте советы утырышын үткәрергә һәм хисап-сайлау җыелышын үткәрү вакытын билгеләргә кирәк, дип билгеләп үтте Иҗтимагый совет рәисе Евгений Благодаров.
Лениногорск шәһәре башлыгы урынбасары Гөлфирә Рафикова «Иҗтимагый советның Положениесен эшләү турында" мәгълүмат белән чыгыш ясады.
Шулай ук Лениногорск районы Иҗтимагый советы составына үзгәрешләр кертү мәсьәләсе дә күтәрелде.
Утырышның көн тәртибендәге барлык мәсьәләләр буенча тиешле карарлар кабул ителде