Лениногорскида "Бердәм Россия"нең 17 еллыгына багышланган кабул итү атналыгы тәмамланды

2018 елның 3 декабре, дүшәмбе

26 ноябрьдән 2 декабрьгә кадәр "Бердәм Россия"нең 17 еллыгына багышланган кабул итү атналыгы тәмамланды.
Шәһәр һәм район депутатлары, Татарстан Дәүләт Советы депутатлары: Р.Шәфигуллин, И. Касымов җирле иҗтимагый кабул итүләрдә, башка мәйданчыкларда, түгәрәк өстәл барышында, шулай ук урынга чыгып та халык белән кабул итүләр оештырдылар.

Депутатларга 175 граждан мөрәҗәгать иткән. Иң күп сораулар - торак-коммуналь хуҗалык, экология, җир мөнәсәбәтләренә кагылышлы иде.

Ун сорау - мәдәният, спорт, социаль тәэмин итү буенча. Шәһәр һәм район халкын промышленность үсеше, транспорт хезмәте, парковка да борчый.

177 сорауның 68е уңай якка хәл ителгән.Калганнары контрольгә, эшкә алынган.