Лениногорскида юл хәрәкәте иминлеген тәэмин итү комиссиясенең киңәйтелгән утырышы узды
Мэриянең утырышлар залында Лениногорск районы Башкарма комитеты җитәкчесе Зөлфия Михайлова рәислегендә юл хәрәкәте иминлеген тәэмин итү комиссиясенең киңәйтелгән утырышы узды.
Утырыш эшендә «Юл хәрәкәте иминлеге» дәүләт бюджет учреждениесенең Әлмәт шәһәрендәге территориаль идарәсе башлыгы Сергей Сураев, комиссия әгъзалары, юл һәм транспорт хезмәтләре предприятиеләре җитәкчеләре, авыл җирлекләре башлыклары һәм уку йортлары җитәкчеләре катнашты.
2023 ел һәм агымдагы елның ике ае йомгаклары буенча юл хәрәкәте иминлеген тәэмин итү һәм юл-транспорт һәлакәтләре санын һәм аларның нәтиҗәләренең авырлыгын киметү чаралары турында доклад белән Россия Эчке эшләр министрлыгының Лениногорск районы буенча бүлегенең ЮХИДИ идарәсе башлыгы Елена Никитина чыгыш ясады.
2024 елның 27 мартына муниципаль районда 9 юл-транспорт һәлакәте теркәлгән, алар нәтиҗәсендә 3 кеше һәлак булган, 9 кеше яраланган.
Тугыз юл-транспорт һәлакәтенең дүртесендә машина йөртүчеләр каршы як полосага чыгалар.
Елена Александровна билгеләп үткәнчә, Дәүләт автоинспекциясе тарафыннан юлларда авариялелекне туктатуга йогынтының төп чарасы-юл хәрәкәте кагыйдәләрен бозучыларны ачыклау. Юл хәрәкәте өлкәсендә хокук бозуларны ачыклау һәм кисәтү буенча эш көчәйтелгән.
Шулай ук ул муниципаль район территориясендә 2 елдан азрак идарә итү стажы булган машина йөртүчеләр гаебе белән аварияләр турында хәбәр итте.
Машина йөртүчеләрне әзерләү эшен яхшырту буенча кабул ителгән чаралар турында ЧОУ РОСТО (ДОСААФ) директоры Ирина Чумарина сөйләде. «Спутник» ҖЧҖ директоры Елена Безрукова һәм «ТранссервисЛениногорск» ҖЧҖ Юл хәрәкәте куркынычсызлыгы буенча әйдәп баручы инженер Ринат Габидуллин транспорт чараларының техник торышын контрольдә тотуны оештыру, шулай ук даими пассажирлар ташуны гамәлгә ашыручы машина йөртүчеләрне транспорт чаралары белән идарә итүгә кертү турында чыгыш ясады.
Район Башкарма комитетының эшләр идарәчесе, юл хәрәкәте куркынычсызлыгы буенча комиссия секретаре Марат Якупов ТР Президентының «Татарстан Республикасында юл хәрәкәте куркынычсызлыгын тәэмин итү чаралары турында» 06.12.2014 №1115 Указы һәм ТР Министрлар Кабинетының «Татарстан Республикасында юл хәрәкәте куркынычсызлыгын арттыру чараларын гамәлгә ашыру, Юл хәрәкәтен кыскарту турында»17.22.2023 № 1646 карары үтәлеше турында хәбәр итте.
«Юл хәрәкәте иминлеге» дәүләт бюджет учреждениесенең территориаль идарәсе башлыгы Сергей Сураев юл хәрәкәте иминлеген тәэмин итүгә кагылышлы проблемалы юнәлешләргә тукталды. Ул билгеләп үткәнчә, бары тик уртак тырышлык белән генә эшнең төп максатка – юлларда авариялелек һәм юл травматизмы күрсәткечләрен киметүгә ирешеп була.
Утырыш нәтиҗәләре буенча барлык җаваплы затларга тиешле йөкләмәләр бирелде.
Комиссия утырышы бүләкләү белән тәмамланды. Күпьеллык намуслы хезмәте һәм ТРда юл хәрәкәте иминлеген тәэмин итүгә керткән зур өлеше өчен «Юл хәрәкәте иминлеге» дәүләт бюджет учреждениесенең Лениногорск районындагы профилактика бүлеге башлыгы Зөлфия Рахмановага ТР Министрлар Кабинетының Рәхмәт хаты тапшырылды, "Главтатдортранс" дәүләт автоном учреждениесенең әйдәп баручы белгече Булат Ибраһимовка юл хәрәкәте иминлеген тәэмин итүгә керткән зур шәхси өлеше өчен "БДД"ДБУ рәхмәте белдерелде.